سامحيني
سامحيني ..
ع النهر لو طاحت إيساري ويميني
سامحيني سامحيني ..
وهاذي آخر كلمه ما بينج وبيني
***
يم الأحزان حان الوداع .. هذا حكم الله وعلينا أمره جاري
يختي واليوم أعتذر جيت .. وارجو منج أن تقبليني إعتذاري
أقسم إعليج بكسر ضلع الزجيه .. خاف أكون إمقصر ابحقك عليا
حلليني وعذريني .. خاف أروح وما أرد لا ترتجيني
سامحيني سامحيني .. ع النهر لو طاحت إيساري ويميني
***
وسط لخيام من تسمعين .. بالعطش تتعالى صرخات اليتامى
صبري لطفال لا ينوحون .. ساعه والعباس يرجع بالسلامه
واعدت عبدالله وسكينه ورقيه .. أجلب الماي وأشربهم بديا
تعرفيني أوفي ديني .. لكن إشبيدي العمد صوب جبيني
سامحيني سامحيني .. وهاذي آخر كلمه ما بينك وبيني
يارايح تزور
حسين خذ قلبي يروح وياك
اريدك تلزم عتابه واذكر شوقي وانت هناك
***
يازاير ابو السجاد اريد الدمعك تصبه
ولا تنسى السهم المسموم ذاك اللي تصوب بقلبة
الف طعنه والف رضه والطعنه على الضربه
وخيل اللي داست صدره داست صدري والله هناك
***
انا ودي اروح وياك وداوي قلبه المجروح
واقله جيتك بلهفه دحاجيني يابعد الروح
وادخل في وسط قلبه وانادي نحره المذبوح
وقله لهفت الولهان ياريت ابقى العمر وياك
***
يازوار الحبيب اليوم بلغوه مني الرساله
امانه من توصلونه تصبوا دموع هالناعي عليه
وذكروا من وفى عتابه وداسه الشمر بنعاله
ويوم الحزوا ابراسه وجه له هذي الأبيات
***
ومن توصل لأبوفاضل اريدك تهل له للدموع
وأذكر مصرعه يأخوي وقع منه وقع بالعين
واذكر يوم جاله حسين وشافه مقطع الكفين
ومن توصل لابوفاضل أريدك تلطم الخدين
ومن اللي قطعوا الكفوف والسهم اللي وقع بالعين
واذكر من جاله حسين وشافه مقطع الكفين
وناداه الدم المبري تقوم الساعه وشنو نقللك
***
وأنخيه انا بنخيك لأنخي بنوحي الزهراء
وياالأطفال أبو السجاد واسكن خيمتك احداها
واذكر ونات زينب يوم على الزنود رضاها
وعلى السجاد يالتحضر لأهله هزت له الأزمان
ما بين صفا
ومروة تسعى بالحجيج الناس
وانا زينب صرت اسعى مابين حسين والعباس
ياهو الي اصل يمه أشاهد جثة بلا راس
وقفت مثل الوقف محرم أصيح بصوت ياابن امي
***
حسين... حسين... حسين...
حسين... حسين... حسين...
***
مثل ماتحرم الحجاج حزينة ومحرمه بالهم
وأذا زمزم بأرض مكة أنا بعيني يصب زمزم
لكن زمزم تطافح ماي وأنا دمعي تفايض دم
مهمومة وكثر همي أصيح بصوت يا ابن أمي
***
حسين... حسين... حسين...
حسين... حسين... حسين...
***
أطوف بكعبة خيامي وخيامي تشب بنار
ومثل ماتنفر الحجاج نفرت عيلة المختار
حرم هجمت عليها الخيل لفاها الليل بالأخطار
وأنا لا والي
ظل يمي أصيح بصوت ياابن أمي
***
حسين... حسين... حسين...
حسين... حسين... حسين...
***
مثل ماتبتدي الحجاج تقدم للذبح قربان
أنا القربان قدمته أخوي المنذبح عطشان
صحت يا ليلة الحادي عشر ياليلة الاحزان
بحزني ولوعتي وهضمي أصيح بصوت ياابن أمي
***
حسين... حسين... حسين...
حسين...
حسين... حسين...
***
اليحج يعود لداره وأنا ماأدري أطلع وين
مره لمصرع العباس ومره لجسم أخوي حسين
إهنا نحر مقطوع إهنا متكطعه الجفين
تهدم كل ركن عزمي أصيح بصوت ياابن أمي
***
حسين... حسين... حسين...
حسين...
حسين... حسين...
***
رحت للمشرعة بحزني ودمعتي بعيني مذروفه
رحت لن شفت أبو فاضل صريع مكطعه جفوفه
ارجعت يم جسم أبو الاكبر ذبيح عيوني تشوفه
تمنيت انسفك دمي أصيح بصوت ياابن أمي
***
ما بين صفا ومروة تسعى بالحجيج الناس
وانا زينب صرت اسعى مابين حسين والعباس
ضلت بس صورهم
ما نعرف خبرهم
راحوا من ادينه اشقد بكينه وما يرجعون
والعشنه بهواهم اذونه بجفاهم
راحوا من ادينه اشقد بكينه وما يرجعون
بالعيون بس المدامع والحلم سراب
بالعيون ندفنهم اتمنينه يالتراب
بالعيون يالناعي اعلق شمعة المصاب
بالعيون ذكرى ومصيبة وزفه لشباب
نكعد يم كبرهم نتنفس عطرهم
احباب الي نودهم شوفه منهم تسوه العيون
والعشنه بهواهم اذونه بجفاهم
راحوا من ادينه اشقد بكينه وما يرجعون
***
وراهم مرفوعه ادينه بهيئة القنوت
وراهم ما نلكه بسمة والورد يموت
وراهم ذوالنون صرنه والمنايا حوت
وراهم بس بالمقابر تسمعنه صوت
ذولة اهل الحمية بحب الجعفرية
ضحوا بالمناحر حتى باجر ما يخسرون
والعشنه
بهواهم اذونه بجفاهم
راحوا من ادينه اشكد بجينه وما يرجعون
***
عليهم ثوب الشهادة مطرز بدماء
عليهم يا يمه نوحي وجددي العزاء
عليهم تبكي النجف وتواسي كربلاء
عليهم ضلت تحن كل نجمه بالسماء
ذولة اهل المراجل بشموع وهلاهل
يم زينب نزفهم وبنجفهم خل يأمنون
والعشنه بهواهم اذونه بجفاهم
راحوا من ادينه اشكد بجينه وما يرجعون
***
سياط لسودت
متني اجتني اليوم يا احبابي
قذائف تنزل علي وتتساقط على ابوابي
يريدوا يهدموا المرقد يريدوا يكسروا اعتابي
وانا بحيرة ولا ادري يا شيعة انجدوني
آه يا زينب آه يا زينب آه يازينب آه
شباب اللي قضوا يمي ضحوا لاجلي بدماهم
أساميهم أسجلها وأبد والله ما انساهم
حضرت لساعة لوقعوا وبالمحشر اجي وياهم
أزفهم بيدي للجة ازورنهم و يزوروني
آه يا زينب آه يا زينب آه يا زينب آه